سنڌ جو آواز | لاهوت ڊاٽ ڪام

 

مخدوم امين فهيم ۽ دينا ليلئ جي پريم ڪٿا


share on facebook share on twitter share on google plus share on Whatsapp print this

11/20/2019

ذوالفقار قادري
سروري جماعت جي روحاني پيشوا حضرت مخدوم نوح سرور جي نو لکي گودڙي واري درگاه جي ٿيندڙ ولي عهد ۽ سجاده نشين مخدوم محمد امين فهيم جڏھن ٽئگور جي ڌرتي بنگال ۾ جنم وٺندڙ گائيڪا رونا ليلئ جي وڏي ڀيڻ دينا ليلئ کي پنهنجي شريڪ حيات بنائڻ جو فيصلو ڪيو تہ درگاه جي روايتي خليفن ان کي ريتن ٖ رسمن جي خلاف سمجهندي سندس والد قبلا مخدوم محمد زمان طالب المولئ وٽ حاضر ٿيا ٖ طالب المولئ سائين دانهن کڻي ايندڙ خليفن کي هي شعر ٻڌائي لا جواب ڪري ڇڏيو
اگر جي خدمت ڪرڻ جي ناهہ طاقت طالب المولئ
تہ پو۽ مخدومي دنيا ۾ ٖ وڏو منصب تہ ڪونهي ڪو
دينا ليلئ مشرقي پاڪستان جي شهر سلهٽ ۾ هڪ بنگالي آفيسر سيد امداد علي جي گهر 27 مئي 1948ع ۾ جنم ورتو پو۽ سندس گهراڻو لڏي اچي ڪراچي جي فيڊرل بي ايريا ۾ رهائش پذير ٿيو ٖ رونا ليلئ سندس ننڍي ڀيڻ هئي دينا ليلئ هڪ بهترين غزل گائيڪہ هئي ٖ هوٽل ميٽرو پول ڪراچي جي اها غزل نائيٽ مخدوم امين فهيم ۽ دينا ليلئ جي پريم ڪهاڻي جو سبب بڻي جڏھن دينا ليلئ “ مارا رے مارا ، تیری نظریا نے مارا “ ۽ فلم آسرا جو گیت " جنگل میں مور ناچہ کس نے دیکھا " ڳايو تہ سڄي محفل جهومي اٿي ٖ اها ئي اها محفل هئي جڏھن سنڌ جي هڪ وڏي پيراڻي گادي جو سجاده نشين ۽ هڪ مڊل ڪلاس گائيڪا جون اکيون اکين سان ٽڪرايون ۽ ھو هڪ ٻئي تي موهت ٿي پيا ۽ هنن شادي جو فيصلو ڪري ورتو بس پو۽ جلد ئي مخدوم امين فهيم ۽ دينا ليلئ 7 آگسٽ 1970ع تي شادي جي ٻڌڻن ۾ ٻڌجي ويا ٖ دينا ليلئ شو بز جي دنيا کي هميشہ لا۽ خير باد چئي اچي هالا حويلي وسائي پر زندگي سندس گهڻو ساٿ نہ ڏنو ۽ شادي جي محض ڇهن سالن بعد دينا ليلئ 28 سالن جي جوان عمر ۾ 27 ڊسمبر 1976ع تي بلڊ ڪينسر وگهي هي فاني دنيا ڇڏي هلي وئي ٖ کيس هالا ۾ دفنايو ويو ٖ مخدوم امين فهيم کي دينا ليلئ مان کيس صرف هڪ فرزند مخدوم نجيب الزمان ٿيو ٖ دينا ليلئ جي وڇوڙي بعد مخدوم امين فهيم جيڪي پنهنجي والد طالب المولئ جيان بهترين شاعر پڻ ھئا اڪثر هي غزل گنگنائيندا هئا ٖ
بي وفا سان وفا ڪري ڏسبي،
هي خطا بارها ڪري ڏسبي.
تنهنجي هر دم ثنا ڪندو ئي رهيس،
هاڻ پنهنجي ثنا ڪري ڏسبي.
پنهنجي ماهِ لقا کان دور ٿبو،
زيست درد آشنا ڪري ڏسبي.
سنگدل آب آب ٿئي هڪدم،
آه اهڙي به ڪا ڪري ڏسبي.
سيم تن سرو قد صنم ايندو،
جان جنهن تان فدا ڪري ڏسبي.
هر شجر ۾ صبا ۾ ۽ گل ۾،
جستجو جابجا ڪري ڏسبي.
هن جو لطف و ڪرم وري به ٿئي،
گويا ٻيهر خطا ڪري ڏسبي.
جي حياتي وفا ڪئي ته ”فهيم
عشق ۾ انتها ڪري ڏسبي.
پو۽ 21 نومبر 2015ع تي هڪ ئي وقت هي گادي ڌڻي ٖ شاعر ۽ سياستدان رهندڙ سروري جماعت جو روحاني پيشوا پاڻ مخدوم محمد امين فهيم بہ پنهنجي شريڪ حيات دينا ليلئ جيان بلڊ ڪينسر سبب هي فاني دنيا ڇڏي خالق حقيقي ڏانهن هليو ويو ٖ

 

© Copyright: 2021. All rights Reserved  سنڌ جو آواز | لاهوت ڊاٽ ڪام   |   Design & Developed by:- ICreativez Technologies free counter